Meigas no couceiro Freixomil

escola.jpgOs nenos das aulas de infantil no colexio Couceiro Freixomil non poideron asistir ás clases porque se inundaron as aulas. O certo é que choveu canto quixo e o caudal subterráneo que circula baixo o colexio fixo o resto. Os nenos terán que mudarse durante máis de dez días antes de voltar á normalidade. Neste colexio, neste curso, todo son mudanzas. Primeiro os que ocupaban o bloque agora derrubado, tiveron que cambiar para outro módulo; agora son os máis pequenos os que teñen que coller as mochilas e emigrar. Pero tampouco debe dramatizarse este asunto. Ao fin e ao cabo, non hai moitos anos, outros nenos tiveron que emigrar ao estranxeiro e sen libros na mochila.
Un centro que non as ten todas consigo. Cando despois de moito tempo de deterioro, as autoridades deciden reconstruir unha parte do mesmo, as obras paralízanse por carecer dos permisos das mesmas autoridades. Un asunto kafkiano. Logo as riadas subterráneas alteran de novo o curso escolar. Vai ser difícil que estes nenos e nenas entendan aos seus mestres de sociais cando, ao explicarlles a situación sociopolítica deste país, lles digan que pertencen a Europa, un continente que se caracteriza polo elevado grao de benestar e pola primacía da educación como factor de progreso. O que si entenderán como ninguén será o tema das augas subterráneas que se lles impartirá na clase de xeoloxía. Ata é posíbel que o máis avezado dos rapaces plantexe unha pregunta de difícil resposta para o seu profesor: por que non se adopta a solución de verter os caudais subterráneos á ría tal e como desaugan as augas residuais no peirao e paseo marítimo?
Cando os pais e nais reclamabamos máis medios e profesores para a educación dos nosos fillos sempre nos atopabamos coa indiferencia das autoridades que nos facían ver que o importante era que os pequenos estivesen escolarizados, entendo isto como estar baixo un teito chamado escola no que ademais non chovese; o secundario era o que nós pediamos. Agora vemos que nin sequera están a salvo das augas.
Esta entrada foi publicada en Uncategorized. Ligazón permanente.

Deixar unha resposta

Please log in using one of these methods to post your comment:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s