PONTEDEUME NO CLUBE DOS ELEXIDOS

fabra.jpgUn feito curioso deuse nalgunhas localidades nas que os alcaldes estaban imputados por delitos de urbanismo, chámense corrupción, prevaricación ou tráfico de influencias. Contrariamente ao que poidera pensarse os partidos que os aopiaban conseguiron afianzarse aínda máis no poder. Algúns exemplos coñecidos: Carlos Fabra, presidente da Deputacion de Castellón, que o seguirá sendo despois de aumentar o PP o número de concelleiros; Andratx, concello balear no que o seu alcalde, do PP, foi detido xunto co Director de Ordenación do Territorio, contempla como os populares aumentan o número de escanos; Navas del Marqués, onde o alcalde, tamén popular, permitíu a tala de 35.000 piñeiros para construir unha urbanización ilegal, non evita que o PP aumente dóus concelleiros; Alhaurín el Grande, cun alcalde popular detido por esixir comisión aos promotores, decidíu manter ao seu alcalde. E un longo etcétera.
Dentro deste privilexiado clube de concellos que parecen non darse conta que os candidatos inmersos en presuntos, ou non tan presuntos, delitos urbanísticos deberían quedar fóra de xogo, atópase por mérito propio o concello de Pontedeume. Aquí tamén se presentou como candidato Manuel Rei, do BNG, a pesar de estar acusado pola fiscalía dun delito de prevaricación.
A diferencia cos citados anteriormente é que Rei non conseguíu aumentar o número de votos do seu partido, senón todo o contrario, deixando o goberno en mans da dereita local. Quizais non soubo tecer unha rede de influencias ao estilo de Fabra e compañía. Quizais non sexa máis que un advenedizo que non soubo interpretar a idiosincrasia eumesa, e pensou que lle ían recompensar a súa nefasta xestión. Quizais sexa un infiltrado que lle facilitou o traballo ao PP.
Sexan cales sexan as razóns, o certo é que Pontedeume xa está codeándose con Andratx, Alhaurín el Grande, ou coas Navas. No noso concello tamén temos acusados que repiten como concelleiros. E non saímos en xornais como El País que espallan os trapos sucios do PP. Esiximos ter unhas liñas que nos recoñezan o mérito de contar con presuntos prevaricadores no salón de plenos.
Claro que outros, aínda non acusados mais non máis inocentes que Rei, tamén repiten . Quizais cando se escriba a historia de Pontedeume será o momento de reclamar un privilexio que hoxe por hoxe é ignorado polos medios de comunicación.
Esta entrada foi publicada en Uncategorized. Ligazón permanente.

Deixar unha resposta

Please log in using one of these methods to post your comment:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s