A nova Lei do Comercio

rebaixas.jpgHai un novo proxecto da Lei do Comercio implantada polo goberno español. Ata agora as grandes superficies comerciais, léase Alcampo, Carrefour, etc, debían contar cun permiso das respectivas comunidades autónomas para instalarse en calquera delas. Catalunya é unha das comunidades que máis trabas lles puxo a estas multinacionais para asentarse no seu chan. Galiza tamén. A razón é ben doada de entender: a defensa do pequeno comercio que sustenta a milleiros de autónomos e moitas máis familias.

Pero de repente o panorama vislúmbrase distinto. A nova lei do comercio vai sacar ás autonomías a prerrogativa que tiñan de impedir estes novos mastodontes comerciais. E suponse que pola presión dos grandes holdings

que os avalan.

O comercio eumés, máis preocupado polos aparcadoiros que pola mellora dos seus locais e servizos, non parece enteirarse desta perigosa normativa. Aos comerciantes pequenos do pequeno comercio pásalles o que aos afiliados dos partidos políticos: móvense por consignas. Alguén díxolles hai tempo que os males do comercio en Pontedeume eran as inexistentes prazas para aparcar. Eles, máis cheos de fé que de razóns, comulgaron con esa idea.

Pero que pasaría se de súpeto un Carrefour, por exemplo, se instalase neste concello? Quen siga habitualmente as noticias de Pontedeume estará ao corriente da posibilidade de que os solares que ocupa Einsa en Andrade pasen a ser solo industrial ou comercial. E consecuentemente sexan adquiridos por unha destas multinacionais para facer o agosto a costa dos pequenos comerciantes, un sector maioritario en Pontedeume que outrora gozou dun esplendor que hoxe é decrepitude.

Sempre poden aproveitar os nosos tendeiros a súa experiencia para opositar a unha praza de caixeiro nun destes hipermercados.

Esta entrada foi publicada en Uncategorized. Ligazón permanente.

Deixar unha resposta

Please log in using one of these methods to post your comment:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s