Podemos sentirnos fachendosos?

einstein_novo_balon_ouro.jpgDeputación de A Coruña: “O pleno provincial aprobou tamén a formalización dun convenio coa Universidade de Santiago para a realización do proxecto “Estalmat Galicia 2010”, que ten como obxectivo detectar, orientar e estimular o talento matemático en alumnos de 12 e 13 anos, cunha achega provincial de 25.000 euros e dun convenio co concello de Pontedeume para a instalación de terreo de xogo de herba artificial no campo de fútbol municipal, cunha achega provincial de 340.000 euros.
PSdG de Pontedeume: Os socialistas eumeses queremos amosar o noso agradecemento á Deputación ó ver por fin formalizado no pleno provincial o compromiso adquirido o mes de febreiro polo seu Presidente co noso portavoz e ratificado na súa visita ás instalacións de A Gándara o pasado verano, e felicitar dun modo especial á gran familia do Eume Deportivo que en pouco tempo poderá disfrutar dun terreo de xogo digno da súa categoría e historia, facendo así realidade unha vella reivindicación dos seus directivos, xogadores e afeccionados.
Publicado en Uncategorized | Deixar un comentario

Psicorretrato

javier_crespo.jpgEstes días é noticia o concelleiro de Obras Públicas Javier Crespo. Tanto os medios impresos como a web fanse eco das súas declaracións sobre temas relativos á suciedade, o mobiliario urbano e o colexio público Couceiro Freixomil. Demasiados problemas para un só concelleiro que nos lembra ao Gary Cooper de “Só ante o perigo”. Quizais sexa esa a razón desa actitude meditabunda que amosa na fotografía, unha pose que por outra banda parece estudada para aparentar reflexión, mesura e carisma.

Nos non sabemos se son estas as cualidades deste político local e seguramente nunca o saberemos porque a política forma parte dunha escola que se distinguíu polo cultivo das falsas apariencias. E tamén das falsas promesas.

Avezados profesionais adicáronse a esta actividade que ten como función primordial convencer ao populacho, venderlle unha idea e conseguir a entrega absoluta do seu electorado. Claro que como en toda carreira, hai que chega a erudito e quen se queda en aprendiz.

Pero volvendo á imaxe do edil dobremente popular, outros poden ver na súa faciana un rictus de amargura, de quen sabe que lle queda pouco tempo como vendedor e non fixo suficiente caixa para poder convencer aos xefes da tribu que é o home idóneo para seguir dirixindo os destinos do lixo eumés. Na súa pel está a sentir a ansiedade típica dos prexubilados, dos que forzados pola salvaxe economía de mercado vense obrigados a xogar á birisca, pasear polo peirao ou sentarse nun parque público. Pode estar tranquilo, bancos non lle faltarán.

Publicado en Uncategorized | 3 Comentarios

Pontedeume parado

pontedeumeparo1.jpeg

Hai vilas con encanto e vilas estancadas. Pontedeume parece ter máis de estancada que de encantada. As cifras que cada ano nos amosan a realidade económica son farto preocupantes. No gráfico da esquerda aparece reflectido o crecemento do paro dende o ano 2007 ata  a actualidade. Se hai tres anos había 425 parados, hoxe temos 657. Máis do 50 % de incremento  neste período.

pontedeumeparo.jpegNo segundo dos gráficos podemos apreciar os sectores máis azotados por esta  epidemia social que en Pontedeume xa é pandemia. Se ben estas últimas cifras están referidas a outubro do 2010 pódese apreciar como os sectores da construción e servicios acumulan o maior número de parados. Nada que non soubéramos se temos en conta que Pontedeume sempre vivíu do turismo e da construción. Pero desinflada a burbuxa inmobiliaria e fuxidos os últimos turistas por mor do escaso atractivo do noso casco histórico reducido a cascallos con pedigrí, o presente preséntase pouco halagüeño e o futuro desalentador. Haberá quen culpe aos ecoloxistas da crise por opoñerse ao libre exercicio de construír onde sexa; haberá quen explique a situación nun contexto máis amplo; e haberá quen o considere un castigo divino similar ao sida.Sexa como sexa, Pontedeume está parado ou, peor, en recesión

Publicado en Uncategorized | Deixar un comentario

“Repartimos 15.000 hostias”

juan_filgueiras.jpgNon son palabras nosas senón do prefecto da catedral de Santiago. Juan Filgueiras (Pontedeume, 1936, data de obrigada lembranza) foi o encargado dos preparativos para a visita de Benedicto XVI tendo participado ademais nas celebracións litúrxicas cando as anteriores visitas do finado Juan Pablo II. Foi este insigne eumés o que a preguntas dos xornalistas respondeu: “repartimos 15.000 hostias en los tres actos de Benedicto XVI”. Nesta cantidade non estaban incluídas as repartidas polas forzas da orde o día anterior durante a manifestación laica celebrada en Compostela.

A historia está chea de hostias repartidas pola igrexa católica. Dende os seus comezos ata a actualidade. E non van parar. Claro que hai hostias de dous tipos: as que eivan o corpo e as que te eivan o espírito. A estas se refería o prefecto da catedral para o que a visita do Papa non se pode equiparar cun concerto dos Rolling Stones, que gañan por goleada ao enviado celestial. De aí o pésimo concepto que a igrexa ten da música rock, manifestación soez dunha falsa cultura que invita ao sexo e ás drogas. Quizais este canónigo teña un ápice de razón e sexan os Rolling os causantes desta epidemia de laicismo que invade á sociedade deste país, un laicismo republicano e rockero.

Publicado en Uncategorized | 1 comentario

Eu non te espero

papa_non2.jpgAta aquí podiamos chegar. A visita deste excéntrico personaxe custará ás arcas públicas da Xunta a frioleira cifra de 6 millóns de euros, amén dos 6000 policias que velarán pola seguridade dalguén que se di enviado de Deus na terra. Non se comprende que sendo Deus omnipotente abandone ao seu mandatario ás forzas do mal e teñamos que ser os galegos os que protexamos a integridade  do home máis poderoso do planeta terra.

Con esa cantidade millonaria poderiase contratar a 100 investigadores na universidade durante 4 anos; poderiase pagar un salario social a 700 persoas durante un ano; poderianse…tantas cousas e necesarias.

Este todopoderoso cacique que encumbra o despilfarro cunha máscara de cínica caridade faría un gran favor á humanidade se se quedase nos aposentos do Vaticano durante a próxima fin de semana que se prevé fría e chuviosa. Tamén podería pagar do seu peto os gastos destas vacacións pero o seu asesor financieiro debeulle convencer para non tocar o patrimonio divino. O mesmo que pensa a igrexa compostelá que, emulando aos impostos revolucionarios de ETA, non dubidou en reclamar dos hostaleiros e empresarios de Compostela unha aportación para paliar os gastos do sumo caradura e pontífice.

E os galegos, confusos e ao mesmo tempo maravillados, crerán ter gañado o ceo aínda que perdido o peto. Así somos e así estamos.


Publicado en Uncategorized | 1 comentario

A mala reputación

UN CANTO Á LIBERDADE

Publicado en Uncategorized | Deixar un comentario

Asentar o traseiro ou asentar a cabeza

mobiliario-urbano-banco.jpgOs bancos, entidades financieiras, sempre foron motivo de preocupación para os cidadáns pero estes outros bancos, os das rúas de Pontedeume, parecen sobrepasar os límites do entendemento humano. Ninguén comprende o esaxerado gasto en mobiliario urbano, a todas luces evidente se pensamos na cantidade inxente de bancos que foron colocados, algúns nos lugares máis insospeitados. E parece ser que aínda hai moitos máis sen colocar.

Os máis incrédulos e malpensados afirman que o Partido Popular, que goberna en Galiza, estaría a  favorecer a algunha empresa á que lle asigna uns contratos millonarios a cambio de pagos ao partido. É dicir, con diñeiro público das institucións páganse mercadorías sobrevaloradas, parte de cuxos gastos adicaríanse a financiar ao partido ou a persoas con responsabilidades no goberno.

Pero nós cremos que as razóns son outras. O que o PP tenta é contrarrestar a política económica do goberno central. Recortadas as pensións dos máis vellos, o Concello de Pontedeume, nun acto de solidariedade, decidíu garantir o descanso dos nosos xubilados. A un recorte de pensións combáteselle cun gasto de bancos. A ansiedade dos retirados disiparase (como se disiparon os 70.000 euros do mobiliario urbano) cun merecido descanso en calquera dos bancos de calquera das rúas de Pontedeume. Eso si, que desistan de facelo na alameda de Raxoi, lugar reconvertido en aparcadoiro.

Publicado en Uncategorized | Deixar un comentario

Eu de herba non entendo…nen quero entender

documento-055s.jpgVaia por diante que non hai cousa que máis me moleste que ter que falar de fútbol. Non me gusta esta actividade mal chamada deporte polo que encumbre tras a súa imaxe: negocios e control de masas.
Un xornal de ampla tirada nacional daba conta onte que o clube de fútbol Barcelona víase na necesidade de dotar ao seu campo xogo cun novo céspede para paliar o deficiente estado do actual. O prezo da operación: 300.000 euros. Como recoñece o propio xornal, barato non foi.
Preguntado o adestrador do clube, Guardiola contestou:”eu de herba non entendo”, evitando así ser centro dunha polémica motivada polo elevado custo da reposición do céspede.
Vese que os xornalistas escandalizados polo gasto do F.C. Barcelona non saben o que acontece en Pontedeume. Como xa criticamos nesta páxina a Deputación da Coruña subvencionou con 300.000 euros á vangardista vila de Pontedeume para dotar ao seu campo de fútbol dun valioso céspede artificial.  Unha cantidade á que hai que engadir 160.000 euros que aporta o ilustrísimo Concello de Pontedeume. Os hinchas eumeses xa poden presumir de estar á altura dos mellores clubes do mundo, polo menos no que a herba se refire. E o alcalde de estar dirixindo un concello que é modelo de innovación, deporte e progreso.
Publicado en Uncategorized | 6 Comentarios

Cousas que me gustaría facer en Pontedeume

Sentarme nun banco da alameda a ler un libro sen que os coches me contaminasen

torreon-urbano.jpgPoder durmir un sábado pola noite na miña vivenda do casco histórico sen que os ruídos dos bares me espertasen

Ter a suficiente capacidade de abstracción como para poder disfrutar do xardín de Lombardero como se fose Central Park

Pasear pola praza Real sen ser obxecto de miradas

Erguerme pola mañá sen o temor a non ter auga corrente

Camiñar polas rúas da vila sen pisar merda de can

Ir ao cine en Pontedeume como cando era pequena

Escoitar un concerto de música clásica no auditorio

Pasear en bicicleta polo carril bici da estrada de Centroña

Pescar troitas no Eume

Asistir a unha representación teatral no Torreón dos Andrade

Tapear cos amigos polas tabernas da vila

Poder mercar un libro nunha libraría

Ir a bailar o sábado a unha discoteca

Ler nun xornal a nova da disolución da corporación municipal

 

Publicado en Uncategorized | Deixar un comentario

Esmorga versus folga

Que Pontedeume é un lugar onde prolifera esa especie adicta á esmorga sábeo calquera. Que onde haxa unha festa debe quitarse todo o demais é un feito incontestábel.29s.jpg Hoxe, 29 de setembro, hai anunciada unha folga xeral en todo o país. Pero esta convocatoria sindical está condenada a fracasar na nosa vila porque hoxe celébrase a tradicional romaría de S. Miguel de Breamo.
Semellante coincidencia activou as alarmas de eumeses de ben (tamén chamados vilanchos) que non estaban dispostos a que unha reivindicación social e laboral puxese en perigo a celebración dun ofrecemento non se sabe se a S. Miguel ou ao deus Baco. Convencidos da necesidade de actuar e no que cren un alarde de imaxinación crearon un eslogan no que reivindican a romaría de Breamo fronte a folga xeral.
Curiosamente dous diarios locais fanse eco da idea conscientes da importancia de alimentar ese sentimento de parranda entre os eumeses. Estamos en camiño de convertirnos nunha atracción universal. O seguinte paso pode ser conseguir para as nosas festas, botellón incluído, a declaración de Patrimonio da Humanidade por parte da Unesco.
Publicado en Uncategorized | 1 comentario